Dialog XXXVI: Something You May Envy About
dengan sedikit mengecewakan. saatnya memulai minggu foya-foya -_- ....
mulai dengan bermain paintball n berendam di sariater -_- ...
hmmm lupa lagi apa yang mau kutuliskan...
sudahlah, langsung aja aku sampaikan tentang ini. ini email dari jatiniskala_society@yahoo.com ke milis asgar muda. dia bercerita tentang pendirian sekolah alternatif di garut...
ingin rasanya tertawa. soalnya saya selalu mendengar pemikiran tentang buruknya sistem sekolah sekarang. namun sampai saat ini paling orang-orang itu hanya berpikir dan menuls...
well, whatever. kau pun paling setelah ini bakal mengurung diri di kamar n bermain dengan nyawa virtual ^_^. ini saya sampaikan agar orang yang tidak memiliki akses ke milis asgar muda dapat membacanya. nampaknya mereka pun butuh link dan bantuan.
sampurasun!!!
geus meh sabulan campleng kuring pulang anting garut - cisurupan,
pikeun ngurus-ngurus sakola alternatif nu baris dilaksanakeun di eta
tempat.
alhamdulillah, kiwari hasil pulang anting teh geus mimiti kaciri
tapakna. buktina, insyaallah dina minggu-minggu hareup eta sakola teh
baris mimiti ngalaksanakan kbm. sanajan aya dina kaayaan nu sarwa
samporet, tapi mugia ieu sakola jadi cikal-bakal hiji model sakola
berbasis lingkungan, masyarakat, jeung pasantren.
meureun aya nu nalek, naha bet tilu komponen eta?
kieu, lur, sabenerna mah nepi ka kaluar tilu komponen eta.
kahiji, kiwari keur meujeuhna mahabu, ngan teu pati rame teuing
sigana, sakola-sakola nu berbasis alam. saterusna aya sakola nu
berbasis komunitas. malahan ti sababaraha sumber nu ku kuring
kapanggih, eta model pendidikan komunitas teh leuwih resmi disebut
pendidikan berbasis masyarakat.
kabehanana boga tatapakan nu meh sarua, nyaeta kateupuasan kana sistem
atikan nu kiwari dijalankeun di nagara urang. model kahiji
dilantarankeun ayana kayakinan yen sistem atikan urang salila ieu geus
ngajauhkeun siswa jeung realitas lingkungan sabudeureunana,nepi ka
antukna para sarjana teu boga rasa "ka-alam-an" anu dibutuhkeun dina
pangwangunan berwawasan lingkungan. faktorna rea, salah sahijina
nyaeta arangna siswa diajak ancrub langsung maluruh kaayanan
lingkungan sabudeureunana. hantem wae ngagugulung informasi dina buku.
ningali kaayaan alam cukup na gambar meunang ngareka-reka penerbit.
nu kadua, kulantaran aya anggapan yen sistem atikan kiwari geus
ngaleungitkeun peran saestuna ti masyarakat dina raraga
ngatik-ngadidik generasi anyar. peran masyarakat teu leuwih ti mere
mandat ka sakola pikeun mere pangaweruh ka barudak, mayar waragad,
plus sesentak ka guru mun kajadian nanaon ka barudakna. hal ieu
ngalantarankeun potensi-potensi nu dipimilik ku masyarakat teu
kamangpaatkeun sacara optimal pikeun ngatik barudak. malah saterusna
mah out-come sistem atikan kiwari sok mindeng patojaiah jeung
pangabutuh tur kahayang masyarakat. atuh conto leutikna, cing saha nu
geus beres sakola kaala tanagana ku kolot nu pakasaban matuhna tatanen?
tah dina dadasar eta oge sabenerna kuring boga gagasan pikeun nyieun
hiji model sakola alternatif di cisurupan. anu kabeneran pisan
disanggap, dihade-hade ku ajengan oop,pimpinan ponpes miftahul huda
pasir pogor cisurupan. ngan meureun aya leuwihna, ditambahan ku
berbasis pesantren.
ieu lain pedah gagasan kuring disanggap ku pihak pasantren, tapi aya
alesan anu kuat anu ngadadasaranana. salah sahijina masalah degradasi
ahlak anu nepi ka kiwari can bisa direngsekeun ku sakola-sakola formal
kiwari.
(konsepsi leuwih jauh rada panjang teuing mun ditetelakeun di dieu!)
naon atuh bet disebut sakola alternatif?
kahiji, lain pedah kurikulum nu dipake beda jeung kurikulum nu dipake
ku sakola-sakola formal sejen. da buktina, kuring dina nyusun program
pembelajaran tetep dumasar kana standar nasional pendidikan. nu jadi
alternatif teh justru media-media jeung sumber-sumber diajar nu rada
beda. mun di sakola-sakola formal mah buku teks jadi sumber diajar
utama, ari di dieu mah justru lingkungan alam jeung masyarakat nu jadi
sumber diajar nu utama. sumber penungjang sejenna nyaeta media masa -
koran jsb., (mudah-mudahan) internet, buku-buku nu ngarojong kana
kaelmuan nu keur diulik, kakara buku teks.
kadua, strategi diajar-ngajar nu henteu malulu guru-murid, murid-guru.
tapi masyarakat anu ngabogaan kamampuan tur pangaweruh oge
dilibatkeun dina pbm. masyarakat sacara langsung jeung teu langsung
milu ancrub ngadidik peserta didik. ngan tangtuna oge tetep aya dina
alur pembelajaran anu di moderatoran ku guru.
katiluna, masalah biaya anu bener-bener jadi alternatif. dina mangsa
maceuhna beaya sakola, patingterekel patingterejel, justru di ieu
sakola peserta didik jeung kolot-kolotna diusahakeun sangkan teu
kabebanan ku masalah waragad. mun kongang mah nepi ka haratisna. dina
diperlukan bantuan ti masyarakat oge bener-bener kudu luyu jeung
kamampu masyarakat. dina harti, conto leutikna kieu; mun sakola butuh
laboratorium tanaman obat -salah sahiji mata pelajaran nu rek di
mekarkeun, nyeta kesehatan & nutrisi, masyarakat dipenta pikeun
berpartisipasi dina mangrupa-rupa hal. atuh nu boga waragad mah bari
sok waragadna, anu boga tanaga milu ngabantuan ngolah tanahna, anu
boga kabisa milu ngabantuan ngurus pepelakanana atawa milu ngajarkeun
kabisana ka peserta didik, atuh nu boga bibit sok mere bibitna, nu
boga tanah, sanajan sacangkewok, sok tanahna jang dipake, atuh nu teu
boga nanaon, cekap pidua'na.
anapon pikeun nyumponan pangabutuh beaya operasional, sabisa-bisa
pangurus sakola ngusahakeun bantuan ti para steakholder nu mampu
sacara waragad tur ngabogaan katineung kana atikan.
ieu sakola alternatif teh, mudah-mudahan lancar, insyaallah bade
dikawitan ping 13 agustus 2007. ari jumlah siswana kirang langkung 40
jalmi.
pamungkas ti sim kuring, salaku pangurus + penggagas ieu sakola, neda
pidungana ti kadang wargi sadayana warga asgar muda. langkungna ti
eta, kaleresan pangurus ayeuna nuju rada karepotan milarian waragad
pikeun beaya operasional harian (ma'lum kahiji jaringanana teu acan
kawangun, kaduana ieu sakola teu acan kapiwanoh ku jalmi seueur). atuh
ku kituna, anu gaduh jaringan atanapi rido ku anjeun aya rizki sesa nu
baris dianggo kanggo ladang amal, diantos pisan bantosanana.
kalih ti eta, nu gaduh maksad ngabdi janten tenaga pengajar/pengurus
tambihan (syarat konsisten tur ikhlas) diatos oge!!
tur nuhun.
cag ah!
Comments